వాన

వానకు తడిసిన పువ్వొకటి
చిగురాకుల ఒడిలో ఊయలలుగుతున్నది
తనను ప్రభువు పాదాల చెంతకు చేర్చే
గాలి పల్లకి కోసం ఎదురు చూస్తున్నది

వానకు తడిసిన గువ్వొకటి
లేలేత రెక్కలను వెచ్చచేసుకుంటూ ఒక మూల ఒదిగి కూర్చుంది
తన రెక్కలకు బలాన్నిచ్చి ఎగిరేందుకు శక్తినిచ్చె 
నిష్కామ చేతుల కోసం అన్వేషిస్తున్నది

వానకు తడిసిన నవ్వొకటి 
ఆమె పెదవుల మీద చిగురించి అలా జారిపోతున్నది
తన నవ్వును పరిమళ భరితం చేసే 
సాశ్రు నయనం కోసం నిరీక్షిస్తున్నది

వానకు తడిసిన పసివాడొకడు
ఆకలి క్షేత్రంలో అనాథలా అలమటిస్తున్నాడు
తనను ఆదుకునే దయగల అమ్మ కోసం
సర్వం కోల్పోయిన కేరళకైరవిలా  తల్లడిల్లుతున్నాడు