దేవుడే సాక్షి

అవును, కాల్చేసాను

ఒక జీవితపు మొత్తం దుఃఖాలన్నీ 
అగ్నికి ఆహుతి చేసేసాను

అసాధారణ ప్రేమ రహస్యాలన్నీ 
దహనం చేసేసాను

ఎందుకివన్నీ 
ఎవరికోసమివన్నీ

దేవుడే సాక్షి
అవును
దేవుడే సాక్షి 

నా సర్యాన్ని దహించివేసిన ప్రేమకి
ప్రవహించిన కన్నీళ్ళకి 
నిస్సహాయతకి
పరాజయాలకి
ఆరాధనకి
ఆత్మార్పణకీ
నా దుఃఖపూరితమైన 
జీవితపు ప్రతి క్షణానికి


దేవుడే సాక్షి
ఈ అక్షరాలు కాదు


- శ్రీరామ్